– ᠡᠵᠢ ᠪᠡᠨ᠂ ᠡᠵᠢ ᠪᠡᠨ ᠲᠣᠪᠣᠷ ᠲᠣᠪᠣᠷ ᠶᠠᠪᠤᠳᠠᠯ ᠲᠠᠢ ᠲᠡᠭᠰᠢᠬᠡᠨ ᠴᠠᠭᠠᠨ ᠬᠥᠯ
ᠴᠢᠨᠢ ᠶᠠᠭᠤᠨ ᠳᠤ ᠰᠣᠯᠪᠢᠵᠢ ᠭᠤᠪᠢᠭᠠᠳ ᠪᠠᠶᠢᠭᠠ ᠶᠤᠮ ᠪᠤᠢ ᠭᠡᠪᠡ᠃
– ᠬᠦᠦ ᠮᠢᠨᠢ᠂ ᠭᠠᠵᠠᠷ ᠤᠨ ᠬᠣᠯᠠ ᠤᠰᠤᠨ ᠤ ᠤᠷᠲᠤ ᠳᠤ ᠶᠠᠳᠠᠷᠠᠭᠠᠳ ᠲᠡᠷᠡ
ᠪᠢᠵᠡ ᠳ᠋ᠡ ᠭᠡᠪᠡ᠃ ᠡᠶᠢᠨᠬᠦᠦ ᠶᠠᠪᠤᠭᠰᠠᠭᠠᠷ ᠲᠡᠳᠡ ᠨᠤᠲᠤᠭ ᠤᠨ ᠵᠠᠬᠠ ᠳᠤ
ᠢᠷᠡᠵᠡᠢ᠃ ᠡᠨᠡ ᠦᠶᠡ ᠪᠡᠷ ᠴᠤᠤᠲᠤ ᠶᠢᠨ ᠴᠠᠭᠠᠭᠴᠢ ᠭᠡᠭᠦᠦ ᠰᠢᠪᠠᠭᠤᠨ
ᠰᠦᠷᠦᠭ ᠦᠨ ᠳᠣᠪᠲᠣᠯᠭᠠᠨ ᠠᠴᠠ ᠣᠯᠤᠭᠰᠠᠨ ᠰᠢᠷᠬᠠ ᠪᠠᠨ ᠳᠠᠬᠤ ᠦᠭᠡᠢ
ᠤᠳᠠᠯ ᠦᠭᠡᠢ ᠨᠠᠰᠤ ᠨᠥᠭᠴᠢᠬᠦ ᠨᠢ ᠭᠡᠳᠡᠭ ᠢᠶᠡᠨ ᠣᠶᠢᠯᠠᠭᠠᠭᠠᠳ ᠰᠡᠭᠦᠯᠴᠢ
ᠶᠢᠨ ᠤᠳᠠᠭᠠ ᠤᠨᠠᠭᠠᠨ ᠳᠤ ᠪᠠᠨ ᠵᠠᠬᠢᠶᠠᠰᠤ ᠦᠭᠡ ᠪᠡᠨ ᠬᠡᠯᠡᠵᠡᠢ᠄
-ᠵᠠ ᠬᠦᠦ ᠮᠢᠨᠢ᠃ ᠠᠷᠤ ᠭᠠᠵᠠᠷ ᠢᠶᠠᠷ ᠪᠢᠲᠡᠭᠡᠢ ᠶᠠᠪᠤᠭᠠᠷᠠᠢ ᠰᠢᠭᠤᠷᠭᠠ
ᠶᠡᠬᠡ ᠲᠡᠢ ᠤᠴᠢᠷ ᠠᠴᠠ ᠴᠢᠨᠣᠠ ᠡᠷᠭᠢᠭᠡᠳ ᠪᠠᠶᠢᠳᠠᠭ ᠶᠤᠮ ᠰᠢᠦ᠃
ᠥᠪᠥᠷ ᠭᠠᠵᠠᠷ ᠤᠨᠲᠠᠵᠤ ᠶᠠᠪᠤᠭᠠᠷᠠᠢ᠃ ᠨᠥᠮᠥᠷᠢ ᠲᠡᠢ ᠳᠤᠯᠠᠭᠠᠬᠠᠨ
ᠪᠠᠶᠢᠳᠠᠭ ᠶᠤᠮ᠃ ᠠᠶᠢᠯ ᠤᠨ ᠡᠭᠦᠳᠡ ᠪᠡᠷ ᠪᠢᠲᠡᠭᠡᠢ ᠭᠠᠷᠤᠭᠠᠷᠠᠢ᠃
ᠬᠡᠦᠬᠡᠳ ᠨᠣᠬᠠᠢ ᠡᠭᠡᠷᠡᠭᠡᠳ ᠶᠠᠪᠤᠭᠤᠯᠳᠠᠭ ᠦᠭᠡᠢ ᠶᠤᠮ᠃ ᠲᠡᠶᠢᠮᠦ ᠡᠴᠡ
ᠠᠷᠤ ᠪᠠᠷ ᠨᠢ ᠲᠣᠭᠣᠷᠢᠵᠤ ᠭᠠᠷᠤᠭᠠᠷᠠᠢ᠃ ᠨᠡᠭᠦᠭᠰᠡᠨ ᠠᠶᠢᠯ ᠤᠨ
ᠪᠠᠭᠤᠷᠢᠨ ᠳᠡᠭᠡᠷᠡ ᠪᠢᠲᠡᠭᠡᠢ ᠬᠣᠨᠣᠭᠯᠠᠭᠠᠷᠠᠢ᠂ ᠵᠡᠭᠦᠦ ᠲᠡᠪᠡᠨᠡ ᠱᠣᠷᠣᠯᠠᠭᠠᠳ ᠴᠤ
ᠬᠠᠳᠬᠠᠴᠢᠵᠤ ᠮᠡᠳᠡᠨᠡ᠃
ᠢᠵᠢᠯᠢ ᠰᠦᠷᠦᠭ ᠲᠡᠢ ᠪᠡᠨ ᠶᠠᠪᠤᠬᠤ ᠳᠤ ᠪᠠᠨ ᠵᠠᠪᠠᠯ ᠵᠠᠬᠠ ᠳᠤ ᠨᠢ ᠢᠳᠡᠭᠡᠰᠢᠯᠡᠵᠦ
ᠪᠠᠶᠢᠭᠠᠷᠠᠢ᠃ ᠬᠠᠷᠢᠨ ᠤᠰᠤ ᠤᠤᠭᠤᠵᠤ ᠴᠠᠩᠭᠠᠭᠠ ᠪᠠᠨ ᠲᠠᠶᠢᠯᠬᠤ ᠪᠣᠯ ᠬᠠᠮᠤᠭ ᠤᠨ
ᠲᠦᠷᠦᠭᠦᠨ ᠳᠤ ᠤᠷᠵᠢ ᠪᠠᠶᠢᠭᠠᠷᠠᠢ᠃ ᠠᠳᠤᠭᠤᠨ ᠤ ᠰᠡᠭᠦᠯ ᠳᠦ ᠣᠷᠣᠪᠠᠯ ᠡᠵᠡᠨ ᠨᠢ
ᠵᠣᠳᠣᠵᠤ ᠴᠣᠬᠢᠶᠠ ᠳᠤ ᠬᠡᠴᠡᠭᠦᠦ ᠪᠠᠶᠢᠳᠠᠭ ᠶᠤᠮ᠃ ᠬᠠᠷᠢᠨ ᠳᠤᠮᠳᠠ ᠣᠷᠣᠪᠠᠯ ᠳᠠᠭᠠᠷᠢᠵᠤ
ᠢᠰᠬᠦᠯᠵᠦ ᠠᠯᠠᠴᠢᠬᠠ ᠭᠡᠳ ᠠᠮᠠᠷ ᠦᠭᠡᠢ᠃ ᠬᠦᠦ ᠮᠢᠨᠢ ᠡᠵᠢ ᠶᠢᠨ ᠢᠶᠡᠨ ᠪᠤᠯᠠᠰᠢᠨ
ᠳᠡᠭᠡᠷᠡ ᠭᠤᠷᠪᠠᠨ ᠵᠢᠯ ᠪᠣᠯᠤᠭᠠᠳ ᠢᠷᠡᠭᠡᠷᠡᠢ᠃ ᠢᠩᠭᠢᠵᠦ ᠵᠠᠬᠢᠶᠠ ᠳᠤ ᠴᠤᠤᠲᠤ ᠶᠢᠨ
ᠴᠠᠭᠠᠭᠴᠢ ᠭᠡᠭᠦᠦ ᠨᠠᠰᠤ ᠨᠥᠬᠦᠴᠡᠵᠡᠢ᠃
ᠴᠣᠯᠮᠣᠨ ᠴᠣᠬᠣᠷ ᠤᠨᠠᠭᠠ ᠭᠠᠭᠴᠠ ᠪᠠᠷ ᠦᠯᠡᠳᠡᠭᠡᠳ ᠡᠵᠢ ᠶᠢᠨ ᠢᠶᠡᠨ ᠵᠠᠬᠢcᠨ ᠢ
ᠮᠠᠷᠲᠠᠴᠢᠬᠠᠵᠠᠢ᠃ ᠠᠷᠤ ᠭᠠᠵᠠᠷ ᠤᠨᠲᠠᠬᠤ ᠳᠤ ᠨᠢ ᠰᠠᠯᠬᠢ ᠰᠢᠭᠤᠷᠭᠠ ᠳᠠᠭᠠᠷᠠᠭᠤᠯᠵᠤ
ᠴᠢᠨᠣᠠ ᠪᠠᠷᠢᠵᠤ ᠢᠳᠡᠴᠢᠬᠡ ᠭᠡᠳ ᠠᠮᠠᠷ ᠦᠭᠡᠢ ᠪᠠᠶᠢᠯᠠ᠃ ᠴᠣᠯᠮᠣᠨ ᠴᠣᠬᠣᠷ
ᠤᠨᠠᠭᠠ 《ᠡᠵᠢ ᠶᠢᠨ ᠮᠢᠨᠢ ᠵᠠᠬᠢᠭᠰᠠᠨ ᠦᠭᠡ ᠶᠠᠭᠤᠲᠠᠢ ᠦᠨᠡᠨ ᠪᠢᠯᠡ》
ᠬᠡᠮᠡᠨ ᠪᠠᠶᠢᠨ ᠪᠠᠶᠢᠨ ᠤᠬᠢᠯᠠᠭᠰᠠᠭᠠᠷ ᠥᠪᠥᠷ ᠭᠠᠵᠠᠷ ᠠᠮᠤᠭᠤᠯᠠᠩ ᠲᠠᠶᠢᠪᠤᠩ
ᠤᠨᠲᠠᠵᠤ ᠠᠮᠠᠷᠠᠳᠠᠭ ᠪᠣᠯᠪᠠ᠃
ᠳᠠᠷᠠᠭᠠ ᠨᠢ ᠴᠣᠯᠮᠣᠨ ᠴᠣᠬᠣᠷ ᠤᠨᠠᠭᠠ ᠠᠶᠢᠯ ᠤᠨ ᠡᠭᠦᠳᠡ ᠪᠡᠷ ᠭᠠᠷᠴᠤ ᠶᠠᠪᠤᠭᠠᠳ
ᠬᠡᠦᠬᠡᠳ ᠲᠦ ᠨᠣᠣᠯᠠᠭᠤᠯᠵᠤ᠂ ᠨᠣᠬᠠᠢ ᠳᠤ ᠬᠥᠭᠡᠭᠡᠭᠳᠡᠨ ᠵᠦᠳᠡᠷᠡᠵᠡᠢ᠃ ᠡᠭᠦᠨ ᠡᠴᠡ
ᠬᠣᠶᠢᠰᠢ ᠲᠡᠷᠡ ᠠᠶᠢᠯ ᠤᠨ ᠠᠷᠤ ᠲᠠᠯᠠ ᠪᠠᠷ ᠰᠡᠮᠡᠬᠡᠨ ᠲᠣᠭᠣᠷᠢᠵᠤ ᠭᠠᠷᠳᠠᠭ ᠪᠣᠯᠪᠠ᠃
ᠢᠵᠢᠯ ᠰᠦᠷᠦᠭ ᠦᠨ ᠢᠶᠡᠨ ᠡᠮᠦᠨᠡ ᠭᠠᠷᠤᠭᠠᠳ ᠤᠰᠤ ᠤᠤᠭᠤᠪᠠᠯ ᠬᠠᠮᠤᠭ ᠤᠨ
ᠲᠤᠩᠭᠠᠯᠠᠭ ᠰᠡᠷᠢᠭᠦᠨ ᠤᠰᠤ ᠶᠢ ᠤᠤᠭᠤᠬᠤ ᠠᠵᠡᠢ᠃ ᠣᠯᠠᠨ ᠠᠳᠤᠭᠤᠨ ᠤ ᠰᠡᠭᠦᠯ ᠳᠦ
ᠣᠷᠣᠵᠤ ᠶᠠᠪᠤᠭᠠᠳ ᠨᠢᠭᠡ ᠤᠳᠠᠭᠠ ᠡᠵᠡᠨ ᠳᠦ ᠨᠢ ᠵᠣᠳᠣᠭᠤᠯᠵᠤ ᠨᠦᠳᠦᠭᠦᠯᠦᠨ ᠵᠣᠯ
ᠲᠠᠢ ᠯᠠ ᠪᠡᠷᠲᠡᠵᠦ ᠭᠡᠮᠲᠦᠭᠰᠡᠨ ᠦᠭᠡᠢ᠃
ᠲᠡᠭᠡᠬᠦ ᠪᠡᠷ ᠨᠢ ᠤᠨᠠᠭᠠ ᠨᠢᠭᠤᠨ ᠨᠢᠭᠤᠨ ᠤᠬᠢᠯᠠᠭᠰᠠᠭᠠᠷ ᠰᠦᠷᠦᠭ ᠦᠨ ᠭᠣᠣᠯ ᠳᠤ
ᠣᠷᠣᠭᠠᠳ ᠶᠠᠪᠤᠲᠠᠯᠠ ᠲᠠᠯᠠ ᠲᠠᠯᠠ ᠠᠴᠠ ᠨᠢ ᠢᠰᠬᠦᠯᠵᠦ ᠲᠡᠶᠢᠷᠴᠢ ᠠᠯᠠᠴᠢᠬᠠ
ᠭᠡᠳ ᠠᠮᠤᠷ ᠵᠠᠶᠠᠭᠠ ᠦᠵᠡᠭᠦᠯᠦᠭᠰᠡᠨ ᠦᠭᠡᠢ ᠭᠡᠨᠡ᠃ ᠢᠩᠭᠢᠭᠡᠳ ᠤᠨᠠᠭᠠ
ᠡᠵᠢ ᠶᠢᠨ ᠢᠶᠡᠨ ᠦᠭᠡ ᠶᠢ ᠡᠷᠭᠢᠵᠦ ᠨᠢᠭᠡ ᠰᠠᠨᠠᠭᠠᠳ ᠢᠵᠢᠯ ᠰᠦᠷᠦᠭ ᠦᠨ ᠢᠶᠡᠨ
ᠵᠠᠬᠠ ᠳᠤ ᠨᠢ ᠭᠠᠷᠴᠤ ᠦᠵᠡᠪᠡᠯ ᠡᠵᠡᠨ ᠬᠦᠨᠳᠦ ᠨᠢ ᠵᠣᠳᠣᠭᠤᠯᠤᠯ ᠦᠭᠡᠢ
ᠢᠵᠢᠯᠢ ᠰᠦᠷᠦᠭ ᠲᠦ ᠪᠡᠨ ᠢᠰᠬᠦᠯᠦᠭᠦᠯᠦᠯ ᠦᠭᠡᠢ ᠡᠪᠡᠰᠦᠨ ᠦ ᠰᠢᠨᠡ ᠶᠢ ᠢᠳᠡᠵᠦ
ᠠᠶᠠ ᠲᠠᠪᠠ ᠪᠠᠷ ᠢᠶᠠᠨ ᠶᠠᠪᠤᠬᠤ ᠪᠣᠯᠵᠠᠢ᠃ ᠡᠵᠢ ᠶᠢᠨ ᠮᠢᠨᠢ ᠬᠡᠯᠡᠭᠰᠡᠨ ᠦᠭᠡ
ᠶᠠᠭᠤᠲᠠᠢ ᠦᠨᠡᠨ ᠪᠠᠶᠢᠵᠤ ᠪᠤᠢ ᠭᠡᠵᠦ ᠪᠣᠳᠣᠭᠰᠠᠭᠠᠷ ᠤᠨᠠᠭᠠ ᠲᠣᠯᠣᠭᠠᠢ ᠪᠠᠷ ᠢᠶᠠᠨ
ᠲᠣᠭᠯᠠᠵᠤ ᠲᠣᠭᠣᠰᠣᠨ ᠠᠴᠠ ᠪᠠᠨ ᠪᠤᠰᠠᠭᠠᠰ ᠢᠶᠠᠷ ᠭᠤᠷᠪᠠᠨ ᠵᠢᠯ ᠦᠨ ᠨᠢᠭᠤᠷ ᠦᠵᠡᠪᠡ᠃
ᠴᠣᠯᠮᠣᠨ ᠴᠣᠬᠣᠷ ᠤᠨᠠᠭᠠ ᠠᠴᠢᠲᠤ ᠡᠬᠡ ᠶᠢᠨ ᠢᠶᠡᠨ ᠪᠤᠯᠠᠰᠢᠨ ᠳᠡᠭᠡᠷᠡ ᠣᠴᠢᠬᠤ
ᠴᠠᠭ ᠪᠣᠯᠤᠭᠰᠠᠨ ᠢ ᠮᠡᠳᠡᠭᠡᠳ ᠭᠠᠵᠠᠷ ᠤᠨ ᠬᠣᠯᠠ ᠶᠢ ᠲᠡᠮᠡᠴᠡᠨ ᠵᠢᠳᠬᠦᠭᠰᠡᠭᠡᠷ
ᠵᠣᠷᠢᠨ ᠢᠷᠡᠵᠡᠢ᠃ ᠭᠡᠲᠡᠯᠡ ᠤᠨᠠᠭᠰᠠᠨ ᠭᠠᠵᠠᠷ ᠨᠢ ᠪᠠᠯ ᠪᠤᠷᠠᠮ ᠤᠷᠭᠤᠭᠰᠠᠨ
ᠪᠠᠶᠢᠯᠠ᠃ ᠲᠡᠭᠦᠨ ᠢ ᠨᠢ ᠢᠳᠡᠭᠡᠳ ᠨᠠᠷᠠᠯᠠᠨ ᠲᠣᠩᠭᠣᠴᠢᠵᠤ ᠪᠠᠶᠢᠲᠠᠯᠠ ᠨᠢᠭᠡᠨ
ᠮᠡᠷᠭᠡᠨ ᠬᠥᠪᠡᠭᠦᠨ ᠲᠠᠭᠠᠷᠠᠯᠳᠤᠵᠠᠢ᠃ ᠲᠡᠷᠡ ᠬᠦ ᠤᠨᠠᠭᠠᠨ ᠠᠴᠠ᠄
– ᠴᠢ ᠮᠢᠨᠦ ᠬᠦᠯᠦᠭ ᠮᠥᠨ ᠦᠦ?》 ᠬᠡᠮᠡᠨ ᠠᠰᠠᠭᠤᠪᠠ᠃ ᠬᠠᠷᠢᠭᠤ
ᠳᠤ ᠨᠢ ᠤᠨᠠᠭᠠ᠄
– ᠴᠢ ᠮᠢᠨᠦ ᠡᠵᠡᠨ ᠮᠥᠨ ᠦᠦ? ᠬᠡᠮᠡᠨ ᠠᠰᠠᠭᠤᠴᠠᠢ᠃ ᠬᠡᠦ᠄
– ᠪᠢ ᠴᠢᠨᠤ ᠡᠵᠡᠨ ᠮᠥᠨ ᠪᠢᠯᠡ ᠭᠡᠬᠦ ᠳᠦ ᠤᠨᠠᠭᠠ᠄
– ᠲᠡᠭᠡᠪᠡᠯ ᠴᠢ ᠨᠠᠮᠠᠢ ᠪᠠᠷᠢᠵᠤ ᠠᠪ᠃ ᠲᠡᠭᠡᠭᠡᠳ ᠪᠢ ᠠᠭᠤᠯᠠ ᠶᠢ ᠲᠠᠯᠠ ᠪᠣᠯᠲᠠᠯᠠ᠂
ᠲᠠᠯᠠ ᠶᠢ ᠲᠠᠮᠤ ᠪᠣᠯᠲᠠᠯᠠ ᠪᠤᠰᠬᠠᠶᠠ ᠭᠡᠪᠡ᠃
ᠡᠷᠡᠮᠡᠭᠡᠢ ᠮᠡᠷᠭᠡᠨ ᠬᠡᠦ ᠬᠡᠭᠡᠷᠡ ᠶᠢᠨ ᠰᠠᠯᠬᠢᠨ ᠠᠴᠠ ᠥᠭᠡᠷᠡ ᠵᠦᠢᠯ ᠨᠢᠷᠤᠭᠤᠨ ᠳᠡᠭᠡᠷᠡ
ᠪᠡᠨ ᠭᠠᠷᠭᠠᠵᠤ ᠦᠵᠡᠭᠡ ᠦᠭᠡᠢ ᠴᠣᠯᠮᠣᠨ ᠴᠣᠬᠣᠷ ᠤᠨᠠᠭᠠ ᠶᠢ ᠪᠠᠷᠢᠵᠤ ᠠᠪᠤᠭᠠᠳ
ᠮᠥᠩᠭᠥᠨ ᠲᠣᠨᠣᠭ ᠢᠶᠠᠷ ᠴᠢᠮᠡᠭᠯᠡᠪᠡ᠃ ᠲᠡᠭᠡᠭᠡᠳ ᠠᠭᠤᠯᠠ ᠶᠢ ᠲᠠᠯᠠ ᠪᠣᠯᠲᠠᠯᠠ
ᠲᠠᠯᠠ ᠶᠢ ᠲᠠᠮᠤ ᠪᠣᠯᠲᠠᠯᠠ ᠪᠤᠰᠬᠠᠭᠰᠠᠨ ᠤᠨᠠᠭᠠ ᠶᠢ ᠨᠣᠮᠣᠬᠠᠳᠬᠠᠵᠤ ᠠᠪᠤᠪᠠ᠃
ᠢᠩᠭᠢᠵᠦ ᠡᠵᠡᠨ ᠨᠢ ᠮᠣᠷᠢ ᠪᠠᠨ ᠲᠠᠨᠢᠵᠤ ᠮᠣᠷᠢ ᠨᠢ ᠡᠵᠡᠨ ᠢᠶᠡᠨ ᠲᠠᠨᠢᠭᠰᠠᠨ ᠢᠶᠠᠷ
ᠤᠨᠠᠭᠠ ᠠᠶᠤᠬᠤ ᠠᠶᠤᠯ ᠦᠭᠡᠢ ᠠᠮᠤᠷ ᠰᠠᠶᠢᠬᠠᠨ ᠠᠮᠢᠳᠤᠷᠠᠬᠤ ᠪᠣᠯᠵᠠᠢ᠃
ᠨᠢᠭᠤᠷ ᠬᠠᠭᠤᠳᠠᠰᠤ